خواطر مصدوم 2

ايوه اصل الحوار عجبنى ثانيا كنت دايما احب اشوف فى الجريدة ان الكاتب عامل قصته على أجزاء بس كنت دايما اتخنق منه عشان عارف ان فى ناس ساعات بتوفتهم اعداد وانا بكره اتابع مسلسل وافوتنى حلقة منه...المهم انا وانا بكتب مصدوم دلوقتى قلت ازاى مصدوم وهكتب بعقلى هقولكم.... انا لسه فى فترة الصدمة من الموضوع اياه ( اللى مش هقولكم عليه) واللى من ساعتها عمال اتفكر فى اللى بيحصل لى فى كل خطوة من حياتى....صديقة قريب بتقول لى لازم تعبر عن الغضب والحزن اللى جواك ماينفعش تكبر وتنفض للمشاعر دى والا هتتراكم عندك.... انا موافق، موافق اغضب موافق افتكر الشخص اياه اللى غرس سكين خيانته فى قلبى بعد ماعترف لى بمشاعر واتضح انه كذاب وممكن افتكر نفسي وانا بضيع على نفسي فرص كتير انى الاقى الشخص اللى اكمل معاه طول عمرى وممكن افتكر الصديق اللى مش عارف يبقى صديق واتضايق من مدى الغبااااااااااء اللى اصبح حولى............موافق افتكر آدم ابن اخويا وهو بيضحك.. او وهو بيضربنى ضربة صغيرة على وشي وبعدين ( عشان عارف انه عمل حاجة غلط) يبوسنى مكان ماضربنى.. او وهو بيلعب لوحده ومدى الدروس اللى بيتعلمها من وقعة بسيطة وتشوفوه مدى الحكمة وهو بيدرك....ايوه هى دى المشكلة الادراك انا اقدر ادرك المواضيع ازاى المشكلة عندنا بتكمن دائما هنا انا ممكن افتكر ايه وممكن مافتكرش ايه..انا اللى بحدد انا عايز أحزن ولا مخليش اى حاجة تأثر على سعادتى.. انا اللى ببص على الموضوع زى مانا عايز طبعا بعد معونة من الله وتوفيق عشان ببقى عامل زى العبيط اللى بيتذاكى لو ربنا مش موفقنى..هبطل كلام وممكن انفض للتفكير بس مش هبطل احساس وطول مافى احساس هيبقى فى خواطر......

"Easier to Run" By Linkin Park

It's easier to run

Replacing this pain with something numb

It's so much easier to go

Than face all this pain here all alone

Sometimes I remember the darkness of my past

Bringing back these memories I wish I didn't have

Sometimes I think of letting go and never looking back

And never moving forward so there'd never be a past

If I could change I would take back the pain I would

Retrace every wrong move that I made I would

If I could stand up and take the blame I would

If I could take all the shame to the grave I would

If I could change I would take back the pain I would

Retrace every wrong move that I made I would

If I could stand up and take the blame I would

I would take all my shame to the grave

خواطر مصدوم

هو انا هبقى بكذب لو قلت انى فاهم الحياة عشان الحياة أثبتت لى مؤخرا انها مليئة بالتعقيدات..من يومين بتبتسم وبتقولى ابتسم اول مابتسمت كشرت فى وشي.......هتقولو ايه اللى انا كاتبه ده؟ ولا عندى اى فكرة.... بس اللى أعرفه واللى اتعلمته من الدروس القاسية بتاعت الحياة انها بتوجع واحسن حل لما تجيلك مشكلة فى الحياة تستنى شوية وتهدا كده وتشرب كوباية نسكافيه باللبن محترمة وتقعد تعيد الامور فى دماغك.. عشان هتلاقى فى جوانب كتيرة اوى فى الموضوع هتلاقى اصحاب بيطعنوك فى ظهرك ولو مش بحاجة تأذيك لكن على الاقل بيخونو سرك ( والدرس هنا انك تختار اللى بتقول له على سرك مش اى واحد يبقى مستعد يحمل سرك يبقى قد المسئولية)هتلاقى ناس افتكرت انك فاهمهم ومشيت على اساس فهمك معاهم تلاقى نفسك بتتخبط فى الحيطة اللى غباءك عملها لما فهمتهم غلط ( وهنا لازم ماتحطش ثوابت للمعلومات اللى انت بتفترضها بما انك بتفترضها) ومن الاخر حاجات تقيلة وكتيرة بس المهم ان صاحبكم اللى دائما عامل نفسه فيلسوف وقع حتة دين وقعه فى ظل افتراضاته الخاطئة المليئة بالنوايا الحسنة...