ايوه اصل الحوار عجبنى ثانيا كنت دايما احب اشوف فى الجريدة ان الكاتب عامل قصته على أجزاء بس كنت دايما اتخنق منه عشان عارف ان فى ناس ساعات بتوفتهم اعداد وانا بكره اتابع مسلسل وافوتنى حلقة منه...المهم انا وانا بكتب مصدوم دلوقتى قلت ازاى مصدوم وهكتب بعقلى هقولكم.... انا لسه فى فترة الصدمة من الموضوع اياه ( اللى مش هقولكم عليه) واللى من ساعتها عمال اتفكر فى اللى بيحصل لى فى كل خطوة من حياتى....صديقة قريب بتقول لى لازم تعبر عن الغضب والحزن اللى جواك ماينفعش تكبر وتنفض للمشاعر دى والا هتتراكم عندك.... انا موافق، موافق اغضب موافق افتكر الشخص اياه اللى غرس سكين خيانته فى قلبى بعد ماعترف لى بمشاعر واتضح انه كذاب وممكن افتكر نفسي وانا بضيع على نفسي فرص كتير انى الاقى الشخص اللى اكمل معاه طول عمرى وممكن افتكر الصديق اللى مش عارف يبقى صديق واتضايق من مدى الغبااااااااااء اللى اصبح حولى............موافق افتكر آدم ابن اخويا وهو بيضحك.. او وهو بيضربنى ضربة صغيرة على وشي وبعدين ( عشان عارف انه عمل حاجة غلط) يبوسنى مكان ماضربنى.. او وهو بيلعب لوحده ومدى الدروس اللى بيتعلمها من وقعة بسيطة وتشوفوه مدى الحكمة وهو بيدرك....ايوه هى دى المشكلة الادراك انا اقدر ادرك المواضيع ازاى المشكلة عندنا بتكمن دائما هنا انا ممكن افتكر ايه وممكن مافتكرش ايه..انا اللى بحدد انا عايز أحزن ولا مخليش اى حاجة تأثر على سعادتى.. انا اللى ببص على الموضوع زى مانا عايز طبعا بعد معونة من الله وتوفيق عشان ببقى عامل زى العبيط اللى بيتذاكى لو ربنا مش موفقنى..هبطل كلام وممكن انفض للتفكير بس مش هبطل احساس وطول مافى احساس هيبقى فى خواطر......
6 comments:
انا معاك جد ا ان ادراكنا للاشياء والاحداث هو اللى بيحرك مشاعرنا بس هو انا ينفع اغير اداركى يعنى مثلا اشوف الخيانه على انها وفاء والكذب على انه صدق
؟؟؟اوعدنى ده يحصل وانا اوعدك انى ابقى سعيده مدى الحياة ..وبعدين لو انت هتبقى سعيد على طول هتكتب خواطر حلوة قوى كده ازاااااااى؟؟
هو انا حاسه انك ملخبط
مش عارفه ليه؟
بص يا طارق كان في حد بيسالني ايه اللي فشلنا بيسيبوا فينا
قولتله ان تجربنا بتشكل ملامحنا
وبتدينا تصور للمواقف
بنتخيل ديما الشكل الافضل الي هنطبقه لو الموقف دا جه تاني
فاهمني؟
Wisha:ممكن عشان الاية بتقول ( والكاظمين الغيظ والعافين عن الناس) يعنى نوصل لدرجة ان احنا نعفو عن او نسامح اللى اخطأ فى حقنا زي من الاخر مثال اللى يضربك على خدك الشمال اديله اليمين والحوارات دي ....هى درجة صعب الواحد يوصلها بس كل اللى نقدر نعمله نسعى للوصول اليها....
مين بقى انى انا سعيد عالطول مكنتش اتصدم ابداً بس السر انى دائما احاول اخرج من الدائرة اللى انا وقعت فيها اللى هى دائرة الحزن وافرح شوية بقى...
رؤية: شكراًلمرورك على مدونتى اللى بقيت اشحته منك اليومين دول.....حضرتك ماهو اللى قصدم من كلمة (مصدوم) انى ابقى ملخبط ثانيا انا مش قاصد اقلد بس على رأى البشمهندس فوضى منظمة(شاهنشي) انا بحس دائما ان كل كلامي بينصب فى بوتقة واحده (على رأى خضر حبيبى) يعنى مش ملخبط ولا حاجة....
موافق جدا على ان التجربة بتشكل ملامحنا وبتدينا خبرة وده يثبت وجة نظرى من الموضوع الا وهى الادراك يعنى ممكن نبص على المواقف الاليمة انها بتدينا خبرة عشان مانقعش فيها تانى....
فعلا ممكن كل واحد فينا يبسط نفسه او يكئب نفسه
بس ده بيكون صعب شوية عشان بتفضل تفتكر اللى حصلك او لو الشخص اللى ضايقك شوفته تفتكر على طول و غصبا عنك هاتضايق
بس الفكرة ان الواحد مايسبش نفسه يعيش دور الكآبة و الغضب و الحزن
لانه فى الاخر هو اللى خسران
Post a Comment