ايه هو الهيكل التنظيمي ؟
ده بقى اللى بقول مين هيبقى فين وهيعمل ايه ومين اللى فوقيه ومين اللى تحتيه،
ومين اللى هيزن عليه ليل نهار عشان الشغل يخلص والزنّ ده هيتمّ ازاى بالظبط..
برتب حياة الناس وحياتى مش مترتبة...
حاسس انى بصحى كل يوم بالليل وبنام الصبح مع انى ببقى صاحى الظهر ونايم العشاء...
محدش فاهمني وانا فاهم نفسي بس مش عارف نفسي والكل عارفني.
عايز أنجح واركز فى المستقبل الاقى الماضي بيجرى ورايا وبيساعدني على الفشل
..بفكر أحب الاقى تجاربي الفاشلة بتقول لى..حب ايه اللى انت جاى تقول عليه
ههههههههههههه
انا ممكن فى يوم من الايام دماغى تتظبط ولا هتفضل كده عالطول
كنت زمان بضحك على نفسي وبقول انا عندى صوت داخلى عالى حبتين
انا دلوقتى بقولها وش انا مش عايش لوحدى زى ماالناس فاكرة
انا بوصل لمراحل انى لازم ازعق لنفسي عشان ابطل تفكير
بفكر الاتوبيس ليه ماشي ليه بيقف ازاى التباع هيلم الفلوس والمفروض يلمها ازاى
ساعات بحس انى سواق التاكسي وساعات سواق الميكروباص
ساعات بحس انى موجود وساعات تانية موجود بس مش عايش
بكتب ليه مش عارف...
احتمال عشان فاضى او مخنوق او بدون اى سبب على الاطلاق.
هو ممكن اصلا تبقى فى حاجة بدون سبب
ماظنش هل انت تظن
يعنى ايه تظن ليه متعرفش
انت ليه دايما بتقول أظن ليه ماتقولش اه أو لا
ليه عايش فى المنطقة الرمادي دائما
ايه اللى جابك فى المنطقة الرمادي اصلا
جربت الاسود وجربت الابيض
وماجربتش الارزرق وانت فى البحر ولا ايه؟
البحر جامد فى الصيف والشتاء بس لو انت فى الشرم وكنت قاعد جنب البحر زى مانا كنت قاعد
كان البحر بيكلمك وانت بتكلمه
طارق انت عارف انك بتقول ان البحر بيكلمك هو البحر بيتكلم اصلا
ولا انت بتشتغل نفسك
وننتهى بقول الحكيم سيف الاسلام: الحياة اشتغالات
3 comments:
:) bt7sal :)... lol
انت عارف يا طارق ان مفيش هيكل موحد لكل المنظمات
و حتي اعظم الهياكل التنظيمية واكترهم ملائمة لحالة الشركة ممكن ميكنش فعال لو الناس متدربوش عليه وعارفوا ازاي يطبقوه صح ولازم يحاولوا يطبقوه بروح المنظمة
هو مين صحيح اللي حطلك الهيكل التنظيمي لمملكة حياتك
اقولك
استعين بشركة استشارات ادارية تانية غير اللي انت بتتعامل معاها
طارق
احيانا تكونالمشكلة ليس في الحدث
لكن في العين اللتي تقيم الحدث
وله ايه رايك؟
المشكلة اننا بندور على التنظيم بس هل سألت نفسك هل التنظيم هيكون مناسب معاك ولا عدم التنظيم هيكون ملائم اكتر
Post a Comment